夹首期搬入男友新居同居 冯盈盈：间屋无我个名

冯盈盈担任护肤品牌活动嘉宾，为配合产地更以一身韩风打扮亮相。谈到现场硬撼韩籍女KOL，冯盈盈突然变得淑女起来，说：「系啊，所以今日韩风打扮。听日新剧《极度怪咖》正式开工，开始培养剧中千金小姐、淑女性格。」问到会否不习惯？她说：「唔会，我真正性格气质就好似寒风中嘅兰花咁。（男友点睇？）佢就最高兴，因为佢嘅理想伴侣，一直系想小鸟依人同女性化。佢叫我最好24小时投入，咁就唔会成日闹佢。（上次闹交系几时？）噚日！」
冯盈盈透露是为到男友新居装修事宜嗌交，是否即将正式成为女屋主？她说：「点会呢，间屋无我个名。但系我有嘢要澄清，首期我有份夹，我真系『绝世好女友』嚟！」她坦言完成装修后会搬进新居，正式展开跟男友的同居生活。（摄影：朱伟彦）