維港會：乘客提刁鑽奇怪問題　港鐵職員被窒「你咁都唔知？」

當遇到不懂的事，問人可能是最快捷的方法，但如果遇著「奉旨」態度的人，只會令人難受。

有任職港鐵職員的網民在facebook專頁「西客之道 Hispitality Secret」投稿，大呻工作時經常遇到態度非常惡劣的麻煩乘客。投稿人指自己是觀塘線工作的港鐵職員，他指有時會不懂得回答乘客的問題，但已經盡力幫忙，但他不滿乘客的態度太差，「我做綠色線既，有時候啲客問嘅問題咁啱唔識答，已經努力幫你查緊，啲客態度可唔可以好少少？」

他續指，曾經有乘客問「赤柱點去？」、「黃金海岸點去？」，但他做市區線，放工後就直接回家，於是回答：「唔知，你等等，幫你問下人」。但麻煩乘客竟然話，「吓，你咁都唔知？有無搞錯啊，你做地鐵架喎。」

他又指，有乘客問過「你知唔知乜乜站頭班車係幾點？」、「乜站去乜站幾錢？」、「知唔知去XX 嘅巴士係幾多號？要幾錢？」、「由呢到行去嗰度要行幾耐？」等問題。但他大呻港鐵職員不可能記得所有港鐵站的頭尾班車時間和車費，「我哋無可能記得哂咁多個站頭尾班車嘅時間同車費，公司都無database喺客務中心」。

他又抱怨，當自己正在查找答案時，乘客只會說「乜你咁都唔知架」。他更提到職員不可能會知道巴士的資訊，甚至要行多久才到達巴士站，「另外，巴士更加無可能會知（除非係站附近嘅車），同埋行幾耐，真係睇你行得快唔快架咋⋯⋯」

網民深感同意，紛紛留言回應，「啲人覺得你著咗制服就等於百科全書。上至天文下至地理通通都要識。」，有曾經在港鐵內店鋪工作的網民，指曾遇到麻煩客問洗手間位置，竟然問「行幾多步到？」，自己亦大感無奈。