黎諾懿重身教冀帶小春雞做善事 自爆想追豬女

黎諾懿去年4月成為人父，他曾自言兒子「小春雞」出世後性格大變。而他為慈善活動擔任開幕嘉賓，透過二人三足搵食物、插秧耕種和爬繩網逃難等模擬遊戲，希望讓香港小朋友感受戰火中兒童的生活。

黎諾懿稱自做了爸爸後覺得身教好重要，所以較之前用更多時間做善事；又表示很想帶兒子參加，「我想佢從小透過行善例如去深水埗派飯，明白幸福唔係必然，學識珍惜目前擁有嘅嘢。」他亦教仔鍾意帶他周圍去感受，難得兒子愛黐着他，連媽媽都不跟。

問到是否很有滿足感？諾懿笑言：「以前係，但依家覺得冇晒自己嘅私人時間，因為喺屋企峰峰成日會問我喺邊？Please come！」而他覺得教小朋友要有耐性，兒子更加要用軟功，因硬功只會令他更反叛。他稱明年想追個豬女，因太太都是屬豬，她很想追到。由於他將拍攝真人騷和飲食節目《暖男廚房》，時間應可配合，希望成功追女可湊成個好字。