因乙型肝炎帶菌停餵人奶 陳柏宇老婆：有點難受

歌手陳柏宇去年與模特兒女友符曉薇（Leanne）結婚，今年9月榮升爸爸，囡囡現時已兩個月大。Leanne昨日發文指自己因身體狀況要停止餵餔母乳，個心有點難受。

Leanne今年9月誕下囡囡陳羿辰（Abigail）後，全心照顧囡囡，但她昨日在社交網發文指，因為身體狀況而不能再餵餔母乳，心裏亦有點難受，「原來當知道自己唔可以餵母乳，心情會有點難受。我係一個乙型肝炎帶菌者，因為指數高所以懷孕期要食藥，又因為餵母乳，Abi出世就要停藥，停藥之後醫生又擔心我肝指數會升，所以每個月都要驗血check住。」

但她亦擔心囡囡喝奶粉可能很難有大便，所以現在要開始尋找適合囡囡的奶粉，「由於指數由上個月81已經上升到232，醫生（話）要食返（番）藥唔可以再餵母乳。雖然醫生同我講而（依）家d（啲）奶粉好好，會足夠bb嘅營養（成日聽啲媽媽講飲奶粉　BB好難去便便），但嗰刻果心都係有啲難過。以我樂觀嘅性格，難過一陣就冇野（嘢），而（依）家要開始搵岩（啱）abi嘅奶粉。」