陳柏宇內地開唱 Leanne抱B女出院爆老公好恐怖

陳柏宇（Jason）太太符曉薇（Leanne）於「追月」（25日）當日迎來第一個愛情結晶品Abigail，令小夫妻非常欣喜，榮升人父的Jason更立即成為「晒女狂魔」；惜礙於Jason今日要到內地舉行演唱會，無法接太太和B女出院，幸好得到一班朋友幫忙。

Leanne於下午4時步出醫院，素顏的她架上墨鏡、Cap帽，身穿便服踢拖，以輕鬆打扮獨自抱B見傳媒，其他細節由朋友打點。
剖腹生B女短短4天的Leanne雖然未修身，不過精神奕奕、笑容滿面，抱著B女也步伐自如，Abigail則在其懷中安然熟睡；Leanne表示已習慣當母親的感覺。對於Abigail初生時有點泛黃，Leanne直言：「最初係有少少黃，都有少少擔心，不過照過燈後，今日已經退晒，可以出院，連醫生都讚佢勁、好叻女、好健康，不用再擔心了；現在BB已開始收水，始終早產了20多天。（是否餵母乳？）對呀，原來好辛苦，有撕裂的感覺，並且每隔2、3小時就被拍醒餵奶，真係無覺好瞓，不過Abigail都好乖…但都不能多讚，前兩天讚她唔扭計，立即就開始扭抱了，一放落床就喊，可能被Jason抱得多！」
講開老公，Leanne繼續爆料：「Jason好恐怖，原本他要前一晚起行，特別改到今早才出發， 並且離開不過數小時，就打來視像通話，講咗幾句就問個女嚮邊？我話都知道他打電話來不是為我。（有否呷醋？）咁又唔會，以前我們會為家中飼養的貓狗爭寵，現在Jason話唔爭了，因為他已有個女，最誇張是他這幾天日日到醫院，抱著個女死都唔肯放，連我媽咪和朋友來到想抱吓都唔得，他說抱著給其他人睇BB都得，他真是個好可怕的愛女狂；他要明天才回港，這兩天終於可讓我獨霸囡囡！不過都好開心他這麼愛錫個女，Abigail中文名就請師傅改，預計一個星期後才有。」

Leanne透露有請陪月，但湊巧外籍傭人也是今日抵港，Jason不在身旁的確有點徬徨，幸好朋友多可幫忙。（攝影：朱偉彥）