感激老公圓世巡夢 楊千嬅夫妻檔合作直認冒險

楊千嬅選在8年前跟老公丁子高設喜宴的今日（12月20日），於北京舉行其明年啟動的《My Beautiful Live世界巡迴演唱會》發佈會，更正式宣布加盟老公丁子高旗下「正向文化娛樂」。千嬅透露今次世巡籌備近1年，將於明年3月正式啟動，以廣州作為首站，隨後到北京、武漢、成都、深圳、悉尼及墨爾本等多個城市，歷時18個月，總場數超過50場。
千嬅台上首次透露今次世巡起源，是兩年前同老公到韓國睇騷，驚嘆現場氣氛如此熱烈，卻嘆息已身為人母應以家庭為先，相信已沒機會舉行巡演。老公丁子高的反應竟是不屑說：「你嘅（巡演）都未開始。」千嬅說：「好多謝佢將呢一番說話放喺心，好想有生之年做樣嘢，就算我唔喺度，個仔都可以睇返。已經結咗婚，有咗小朋友就要對佢哋負責任，所以今次要多謝屋企人總動員幫手。」問到囝囝Torres可知道巡演一事？她說：「佢依家好明㗎啦。噚晚有時間同佢行一陣街，佢仲整惑我大嗌『這個是楊千嬅』。」
至於往後夫妻檔合作及發展，千嬅坦言是一個頗冒險的決定。她說：「因為未試過嘛！佢仲有公關公司要忙，嚟緊佢都會好辛苦。」（攝影：駱震寧）