傾緊擺酒生B順其自然 阿蕭求婚有送鑽戒

蕭正楠對昨晚宣佈婚訊後，被指騎劫了整個頒獎禮，他坦言翠如原本不想自己成為焦點，畢竟頒獎禮焦點應是一眾得獎同事。他說：「我諗冇咩好得過，喺全香港朋友前將呢件開心事同大家分享，亦希望畀一個難忘回憶太太。無理到俾人講騎劫，我覺得係開心事，大家都開心。」


問到第二次求婚時否由翠如做主動？阿蕭說：「詳情留返畀黃翠如講啦！」他透露婚禮於4月份到紐西蘭進行，他們沒有周詳計劃，拿起行李就出發。他說：「去到搵咗好耐都無合適嘅結婚戒指，上天對我哋好好，有日行農夫市集，見到有一檔餐具扭成嘅戒指，好靚，大家就決定做結婚戒子。」問到翠如可有收鑽戒？他就：「佢有啊！有求婚戒子。但你知翠如，唔會計咩大唔大粒，相信呢隻結婚戒子都會繼續帶落去。」

是否於香港補擺喜酒？阿蕭指翠如想低調，但宣佈婚訊後得到大家祝福，再加上公眾人物應分享如此開心事，現仍在商討中。可會生B？他笑說：「今日開工，幕後工作人員同 （張）達倫都叫我快生，收到好多鼓勵。（兩都喜歡小朋友？）都鍾意嘅，鍾意玩囉，自己擁有一個就唔知喇，順其自然啦。」（攝影：張家宜）