Joey怕飲醉失禮唔敢幫阿嬌頂酒 預告BOYZ做婚禮司儀

容祖兒（Joey）昨日以設計師身份，出席其與珠寶公司Crossover的「Heartbeat 心動系列」發布會。Joey表現興奮，笑言沒想過以設計師身份出席活動：「好開心，今年試咗好多唔同嘅嘢。（有壓力？）都係，怕影響到自己本來嘅身份，接觸唔到範疇又怕做唔好。」祖兒透露這系列鑽飾早於年初籌備，整個系列有30多件產品，自己口述設計慨念，多得身後一班專業人士幫忙，她還打算戴着頸上的頸鏈出席鍾欣潼（阿嬌）婚禮。

談到阿嬌大婚在即，祖兒表示已準備奉陪到底。她說：「近幾個月都忙大碟宣傳，好開心返到香港，可以好好休息幾日，抖足精神，參加阿嬌嘅大婚。」談到搶花球，她笑說：「接囉，無所謂，最想關智斌（Kenny）接。婚禮係Kenny同張致恆（Steven）做司儀，到時一定好好笑。」問到可會幫阿嬌頂酒，她笑說：「幾杯都得嘅，頂就唔好喇，怕醉咗會失禮。（怕唔怕醉酒爆自己秘密？）自己嘅控制得好好，其他人就未必。」

另外，提到網民力推古天樂成為叱咤男歌手，而日前古天樂表示未必會出席頒獎禮。祖兒透露已跟古天樂表明，很希望他會出席。她笑說：「佢唱歌咁好聽，歌喉又好，佢真係典範，歌影視都有佢份。」