黃淑蔓明年應付DSE 新年願望盼入大學

Jay加盟寰亞娛樂後，本身是「寰亞孻女」的黃淑蔓升呢做「師姐」，她顯得非常興奮，但提到明年要應付DSE考試，即立即扁咀說：「我今年好開心，有自己嘅歌而且大家都鍾意，但最近我開始感動自己要加油讀書啦，又要唱歌又要考DSE，我開始覺得好攰，但又好開心！」新年願望是「入到大學」，一眾師兄師姐都拍掌為她打氣。

至於同樣要分身唱歌和演戲的釗峰和King就揚言越忙越精神，在C AllStar休團這一年，他們各自發展都有很好成績。即將下星期推出個人唱片的釗峰，揚言要封King做「國際King」，他說：「King今年參與好多大型和國際性嘅打碟表演，同好多外國DJ合作又多外國fans，變咗『國際King』。我最替King驕傲係佢喺自己嘅電台節目，用廣東歌融入EDM（電子舞曲）推廣出去，帶出好多新感覺。」

釗峰又總結今年好充實，與很多夢寐以求的音樂人合作，亦有多首成續很好的獨唱歌，可謂「音樂豐修年」！