維港會:王維基踩入總商會地盤「宣示主權」

總商會總裁袁莎妮正式成為王太，佢老公「魔童」王維基首次喺香港總商會嘅員工晚宴上露面，一上場就宣示主權，叫總商會印卡片嘅時候，唔好再用Shirley Yuen，要改名Shirley Wong。佢仲同在場嘅總商會員工話，想要聽佢嘅愛情故事，定係要聖誕禮品？

結果個個要聽愛情故事，搞到「魔童」唔知點落台，佢惟有勉勉強強咁講咗少少愛情故事，話求婚過程好困難，喺飛機花咗90分鐘，同喺地面嘅袁小姐求婚，是個超貴的求婚電話，足見誠意可加。

不過， 90分鐘裏面講乜就內容欠奉，派聖誕禮物俾大家作為交換，提前做咗總商會嘅聖誕老人。所有在座嘅總商會員工及親友，都可以獲得HKTV Mall嘅禮券，令到大家滿載而歸，今次駙馬爺在總商會員工面前加晒分啦。