堅稱冇同陳瀅拍拖 陳家樂唔敢諗戀事：我好驚！

陳家樂被拍得與陳瀅撐枱腳及返女方香閨，家樂出席電影開鏡禮時稱：「我就嚟無朋友！我啲朋友都話以後唔使同我吃飯。（你餵陳瀅食嘢？）角度問題。」
家樂否認到陳瀅香閨，並解釋對方駕車載他到其住所附近的港鐵車站。他說：「我哋唔係拍拖。（可有發展機會？）唔諗呢啲，我好驚！上星期就傳我同湯怡，今個星期就陳瀅，每個都係我工作伙伴，就嚟無晒朋友。」他認為陳瀅屬於義氣仔女，感覺似衛詩雅，好有雷氣。問到喜歡這類型有雷氣女生？他說：「好朋友，似兄弟情，如果由一個兄弟去到情侶唔似囉！」
至於在新戲《死因無可疑》飾演保險從業員，家樂謂現實中也做過一年保險從業員，導演記得他做過這份工，所以找他演出。他在戲中跟湯怡是一對，情侶常有爭執，亦有少許親熱戲。問到可有錫嘴戲？他說：「未知，劇本有提過，但未知尺度。」戲中演大學生的湯怡今次以戴假髮演出，原本她想剪短髮，但之前部戲未完成，所以戴假髮上陣。（攝影：鄧國良）