屋苑住戶曬幾排鹹魚掀熱議 網民：香港傳統風景

不少人愛吃鹹魚，甚至會在家自製生曬。有網民發現，藍田一屋苑有低層住戶就在窗外曬鹹魚，而且掛滿幾排，掀起熱議。有人認為是本港的傳統風景，「好有鹹香味」，但亦有人認為會傳出味道並惹烏蠅，更懷疑樓上住戶因此不敢開窗，「一條兩條就話啫！」

有網民在facebook專頁「藍田 Lam Tin」分享照片，可見有住最低層單位的住戶在窗外曬鹹魚，而且排滿最少3支長竹竿。專頁管理員笑言「街坊好嘢」。

帖文其後在facebook廣傳，有網民認為一般是老一輩才會曬鹹魚、「香港傳統風景」、「呢到夠食幾年」，又笑指「我見到好多冇夢想嘅人掛咗喺度」。有人亦認為沒有問題，更指在其他公屋、居屋屋苑都有見過類似情況。但有網民則指，該位置「係畀單位曬衫用嘅，一條兩條就話啫！咁多可以當佢開工場！」，「味都其次，應該會引好多飛蟲嚟」、「樓上唔敢開窗」，亦有網民問如果樓上住戶隨街掉垃圾就不用要了。