Eason與施丹合照惹克勤葡萄

陳奕迅（Eason）昨晚在社交網上載與前法國球星施丹的「集郵」照，一連5張合照，Eason明顯漸變興奮，最後一張笑到「四萬」兼舉手指公俾「like」，引得大批網民妒忌，當然包括圈中球迷李克勤，直言Eason是「lucky man」，再加送英文縮寫「OMG」及「WTF」來形容內心的澎湃。
Eason今次應邀到上海出席運動品牌活動，同場嘉賓還有Angelababy，Eason都有在微博分享和Angelababy、施丹的合照，並留言大讚施丹：「雖然相處嘅時間好短，但透過佢嘅言行舉止，都足以感受到佢嘅內涵，果然係我心目中最偉大嘅足球員。」而施丹為了出席今次活動，也特意於日前開設微博帳號。