兩女登場展歌喉 鍾鎮濤唱中大放溫情閃蛋

鍾鎮濤（B哥）相隔10年再在紅館開演唱會。當一班兒童合唱團出場與B哥合唱，B哥透露最細的女兒鍾幗在其中，而鍾幗和B哥唱歌前，先代父親多謝大家的前來及支持。而二女鍾懿也兩度登場，鍾㦤先以短裙騷美腿，坐著彈ukulele與父親合唱；二度出場時，就換了背心長裙，見女兒有點緊張，B哥舒緩女兒心情，打趣指鍾㦤小時候唱歌招招積積，何以當晚咁緊張？鍾㦤就表示：「好驚！」繼而B哥介紹與鍾㦤合唱的新歌《不忘初心》說：「別人常說我晒幸福，我不過是報喜不報憂，家家有本，我又怎會沒煩惱，但講出來做乜，不如講開心事發放正能量。其實幸福好簡單，只要懂得欣賞、滿足、感恩，仲有個秘訣就係《不忘初心》。」

合唱後，B哥哥聽到鍾㦤抖大氣，安慰女兒的同時又幽默道：「真係唔使咁緊張，跟以往的不同，今次係我的個唱，唔會好似以前咁有幾個伯伯走出來，咁我的確是溫拿中年紀最細嘛！」引得台下大笑。繼而B哥哥獨留鍾㦤在台上返入後台換衫，鍾㦤以電子琴自彈自唱前，表示常被問到是否會入行唱歌，但現階段只想專心讀書，而跟父親唱歌是很開心的事；全場亦向B哥哥的兩個女兒送上雷動掌聲打氣。

B哥繼開場前多謝家人一直無限量的支持，其後再專誠感激太太范姜。他稱在人生最低潮時，有一個台灣女仔嚴如守護神的出現，當時對方剛在法國讀完書，只有24歲，為了「人又老、錢又無、老婆又走佬」的他離開家鄉留港相伴，還幫他照顧一對年幼的仔女，令他可以從迷惘失意中再重新振作。

當晚的表演圓滿落幕後，B哥自評表現只有80分，但給兩個女兒就90分，笑謂：「鍾懿以前在台上唱歌招招積積，不明何以愈大愈緊張，可能今晚有好多同學來了，況且女大十八變，仲肯和我唱歌已經好好。」