阿B為個唱操身拒騷肌：幾十歲仲除衫？

鍾鎮濤（阿B）打扮成當年電影《表錯七日情》的保安員造型到電台，為將於11月24日及25日於紅館舉行的演唱會宣傳。阿B笑言雖然打扮成保安員，但無人理他，大家也稱呼他做B哥。對上一次於香港開個唱已是10年前的事，阿B謂今次個唱會講及自己音樂的故事歷程，亦會唱張國榮、陳百強、梅艷芳等的歌曲，還有跟女兒鍾懿的新歌。
談到女兒有份參與演唱會演出，阿B說：「今次佢有少少唔同，以前求佢唱，依家佢要唱，真係女大十八變；以前跳跳紮同講嘢，依家笑笑口，佢鍾意唱歌，經常拎住結他唱歌，亦鍾意拍片同剪片，都有紋有路。」可會為個唱操練身形？阿B表示需要，因為之前有舊患停止了操練，現在會恢復操練。可會操6嚿腹肌？他說：「唔使啦！幾十歲仲除衫？」

對於盧凱彤（Ellen）墮樓身亡，阿B表示有關注對方演出，大讚好出色的音樂人，敢說敢為，雖然大家不熟絡，但得知消息後個心不舒服，又謂演唱會會帶出正能量給大家。（攝影：鄧國良）