婚宴只邀親友出席 C君想唔搞：唔到我話事

農夫的最後一場《18歲生日快樂演唱會》，陸永的父母、王菀之、徐浩等到場支持。對於有不少圈中人捧場，陸永指其實有很多朋友都沒有時間來，正如如果請鄭裕玲（嘟姐）欣賞，睇怕要開日場，事關嘟姐常稱讚韓星早完場。

C君大呼原來做6場都好辛苦、好攰，原以為中間休息了數天會好一點，點知仲心掛掛。陸永認同說：「尤其是第3場給子華神（黃子華）送驚喜後，還以為做完成整個演唱會了，真係極度佩服那些做10多、20場的歌手！」C君再接口謂：「做show最難是度橋，仲要每晚做完就即刻開會檢討，仲有好多部份要記，農夫的歌詞又多過人，真係好大壓力呀！所以未來有幾日可以休息，想去旅行休息吓！（會否挑戰超過6場？）也可以，亦有計劃，但最快要等到2020年的20周年才能成事，其實今次要不是有記者朋友提醒我們入行18年了，都唔會有這個show。」

搞笑是在開場前的迎賓環節中，C君打趣指觀眾已習慣了他們出來迎賓，見到他們簡直是當兩件死物，敷衍一吓都無，引得觀眾起哄大叫；還有又有女粉絲高呼：「C君你結婚，我好唔開心呀！」C君竟鬼馬道：「其實我自己都唔係.…」，隨即收口不敢再說下去。問到C君明年的婚禮籌備如何？他透露已開始睇場地，預計婚宴只邀請親友出席，並非因為有傳人情降價有關，是為免要招呼太多人。在旁的陸永笑稱如果問他過來人的意見，就最好是不用搞，C君即附和說：「我當然想，但唔到我話事！」當陸永坦言一定做兄弟時，還笑言可收「平少少」讓兩個女兒做花女，被C君取笑有提供「出租女兒服務」。