朱晨麗打上癮 拍戲順便遊英嗌開心

朱晨麗在新劇《兄弟》飾演國際刑警，少不免連場打戲，她笑指愈打愈好玩、愈上癮。該劇分別到英國及菲律賓拍攝外景，她直言兩地感覺不一：「係天同地分別，我哋先去英國拍，靚人靚景，拍得好開心，菲律賓就好熱，交通都唔方便，過馬路又唔識睇紅綠燈，我哋去咗貧民窟度取景，真係好污穢、好落後，搞到食飯都冇乜胃口，不過冇所謂，順便KEEP FIT！」

提及同劇的劉穎鏇，朱晨麗表示二人對手戲不多，但於英國拍外景時也有結伴遊玩，她說：「佢好Sweet，喺英國唔使開工時都會約出去行街、食飯，佢就會好似人肉GPS咁帶路，一睇就知道邊度落車，好聰明，好彩有佢咋，否則我實迷失喺英國都似。」