【金馬55】袁富華憑《翠絲》激動奪男配 丁寧撼贏惠英紅獲女配

《第55屆金馬獎頒獎典禮》找來羅家英、苑瓊丹頒發男女配角獎項。以《翠絲》入圍角逐女配的惠英紅失落獎座，由演出《幸福城市》的台灣女星丁寧勇奪女配。

54歲的資深男演員袁富華（Ben）以《翠絲》「打鈴哥」一角拿下男配獎，揮低《幸福城市》李鴻其、《後來的我們》田壯壯等。心情激動的Ben眼泛淚光，上台前攬攬《翠絲》監製、導演舒琪及拍檔惠英紅。自認國語麻麻的Ben以廣東話講得獎感言：「原來係咁激動，30年前我做舞台劇演員，因為冇乜成就，但我真係好鍾意做演員。多謝金馬評委，令我知道30年前做嘅決定冇錯，亦好多謝黑哥姜皓文、紅姐惠英紅，同埋導演舒琪，冇佢我唔會企喺度。」他亦感謝默默在背後支持他的另一半，及大家的愛護。