【旅巴失控撼貨車】跟車工人：停燈位講咗幾句就嘭一聲

旺角一輛旅遊巴早上7時許，疑失控撞向Audi私家車，繼而撼向一輛貨車車尾。事後，被撞貨車姓劉的跟車工人憶述事發經過，「我哋(貨車)當時轉彎停燈位，同司機講咗幾句說話，架旅遊巴就『嘭』一聲隊埋嚟，唔知咩事呀！」之後，他向後望，才知道被旅遊巴撞尾。劉先生指，消防局就在事發地點對面，「當時消防員就出嚟啦。」劉先生指他們的貨車正準備往塘尾道廣東道送貨。