黎明開個唱晒半歲大「明福囡」 派B女肖像紀念品冧歌迷

黎明（Leon）昨晚在澳門舉行演唱會，「父王」魅力沒法擋，全場過萬座位爆滿。身穿黑衫黑褲配紅色吊帶及領呔的Leon出場後向樂迷打招呼，先唱歌曲《一言為定》。Leon相隔10個月再於澳門開騷，帶來全新編排的表演，寵愛囡囡的他更介紹半歲大的「明福囡」，大銀幕就呈現戴上迷你粉紅色頭盔的Q版B女肖像畫。

Leon冧滋滋說：「其實係幫我畫明福俠嘅朋友畫，佢冇見過我個女，係佢自己想像出嚟，幫我個女加咗頭盔，旁邊公仔冇名嘅，但只有四條頭髮，可以稱呼做『四髮』。」他更將一批印有「明福囡」的小手巾放在部份觀眾座椅下作為禮物，令幸運樂迷超興𡚒。

今次演唱會曲目編排先唱慢歌，Leon唱完《半生緣》主題曲就打趣問：「首歌係咪好down（低落）？」樂迷齊聲回應「係」，Leon隨即唱《相逢在雨中》，及兩度落台與歌迷握手。

另外，演唱會期間發生小插曲，Leon佩戴的耳機突然失靈，處變不驚的他換耳機後繼續演出。