【有片】小童馬路亂闖 3警撲出及時抱走

小朋友過馬路時應由成年人加以看管，但網上流傳車Cam片段，可見一名小童亂過馬路，更直奔車輛穿插的十字路口，幸當時駛至的車輛都及時避開。途經的警察赫見小童的危險行為，即衝出馬路，抱起對方返回行人路。網民都怒轟小童家長，質疑是疏忽照顧，幸有警察及時發現，否則後果不堪設想。

網民Tommy Cho昨晚在facebook群組「馬路的事討論區」分享車Cam片段，可見一名小童獨自在深水埗警署對出的欽州街口橫過馬路，當時有貨Van和私家車轉彎駛至，幸司機都及時慢駛，避免發生意外。但小童似乎「無有怕」，隨即向荔枝角道方向的十字路口直衝。

雖然小童所在的行車線未有車輛行駛，但另一方向行車線的車輛絡繹不絕。車Cam片主見狀已立即響安，希望其他司機注意。幸與此同時，3名途經的警察見狀，亦衝出馬路，將馬路中心的小童抱起，返回行人路上。

片主在帖文留言，當時未見有人追上，懷疑小童是走失，眼見對面線車輛正在行駛，自己亦來不及反應，只有響安，希望所有人集中望到小童。他形容，小童「差幾秒去咗隔離線」。

不少網民看過片段都形容好彩，並大鬧家長「點解啲人可以畀個細路自己通街跑架」、「痴X線架咩，唔係有警察喺度，後果會係點」，「個細佬今次褔大命大咋，下次未必咁好彩啦」。另有網民讚警察眼明手快，否則後果嚴重。