麥雅緻4歲囡囡爆喊怕媽媽死：我都眼眶泛淚

麥雅緻與老公張頴康育有一對仔女，4歲大女小豆非常可愛，精靈趣緻。今日麥雅緻分享送囡囡返學時的對話，小豆問：「乜嘢會變老，乜嘢唔會？」好奇車上掛著的公仔會否變老？小豆又突然之間問：「媽媽你會唔會老？ 會唔會死㗎？ 」

麥雅緻答：「會㗎...媽媽都會老，媽媽都會死」，並留言：「咁佢（小豆）就話死咗係咪會飛上去個moon嗰度？（因為之前我嫲嫲離開就話畀佢知太嫲去咗月亮度（佢間中抬頭望到月亮，都會覺得太嫲睇緊佢...）之後大家靜咗...我回頭望佢嘅時候，我已經見佢流緊眼淚...佢細細聲講：媽媽我唔想你老唔想你死...」對話感人，麥雅緻都自言眼眶泛淚 ，及承諾努力做運動，好好照顧家人，又叫小豆少令媽媽激氣，乖巧的小豆也回答：「好啦咁我做個乖孩子，唔激你喇媽媽」。

不少網民見到麥雅緻在社交平台甫出的小豆爆喊相，都表示感動及稱讚小豆乖女，留言：「生女真係窩心」、「看到這段文字眼眶都濕啦」、「小豆好善良好可愛，傻豬」。