維港會：找錢黨再現連鎖雜貨店 一禮拜4單

「找錢黨」再現！連鎖雜貨店「執笠倉」在facebook發文，指過去一星期，全線分店四度遇找錢黨，全部都是用500元紙幣犯案。公司決定暫時只有購物滿200元，才會接受500元紙幣。

「執笠倉」在其facebook專頁上發文，並分享兩段事發時的閉路電視片段。文中指賊人「犯案方式都係同樣，逗留鋪頭時間勁短」，隨便取一件貨品後排隊付500元紙幣，然後「擾擾攘攘拎番，再呃收銀同事找$4xx俾佢」。

文中更指，公開發文為提醒同行小心提防，並指「更想話俾呃錢黨知，人在做天在看，我地收銀處雖然繁忙，但賺嘅全部都係低毛利血汗錢，你地嘅行為真係好討厭，我哋已經提醒同事全面提防，絕對唔會俾你地再有機可乘，之前的犯案亦已報警處理。我哋祝你地身體健康，長命百歲。」

「執笠倉」更在貼文下留言指，沒有怪同事收錯錢，並表示收銀太忙，長期有人龍，所以「呃錢黨睇中呢個弱點」，並指「佢哋（賊人）係有出口術騷擾同事收銀，搞到同事以為真係收咗佢$500而要找錢俾佢」。

有網民留言，「個收銀好慘」、「好可惡啊」。有不少網民建議,「其實有方法破解，只要收錢后不可退回便可。（上水區某某大大藥房已經這樣做，以防止再發生這種問題）」、「做收銀最緊要淡定」。

片段來源：執笠倉fb