孖李成昌父子情催淚 何廣沛：佢先係主角

劉佩玥（Moon）、何廣沛、張㬢雯、李成昌、李日昇等為無綫台慶劇《跳躍生命線》宣傳，Moon坦言拍這劇頗辛苦，說：「一大班人日曬雨淋，拍攝時同真實情況係一樣，大都係全副武裝，成套救護衣都幾焗，大家都會笑對方，流汗流到全身濕晒。」她表示電單車戲份都由替身代勞，雖然當時有跟好姊妹陳瀅齊學電單車，但未能抽空考牌。對於開播首周口碑不俗，她笑說：「嚟緊戲情大家會更加期待，堅正，唔會令大家失望！」
何廣沛跟李成昌在劇中的父子情十分催淚成為熱話，何廣沛說：「昌哥原先係想休息，但最後都接咗呢套劇，喺佢身上學咗好多，佢先係主角。」何廣沛感激李成昌的引導，令他初嘗拍攝如此濃郁的父子戲。
另外，李日昇對被指一腳踏兩船，原因是前女友黃文意暗指當時陳偉琪為第三者，他為此矢口否認。談到有否覺得是前女友黃文意爆料？他笑說：「食錯嘢，會肚痾。」（攝影：駱震寧）