《嫁2》單親媽媽為尋幸福棄女？陳貝兒幫拖解畫

陳貝兒主持的無綫節目

《嫁到這世界邊端2》昨晚播出的一集，是單親媽媽毛毛於十多年前在交友網認識現任瑞典籍老公Johan，這些年Johan一直失業由毛毛養家，後來Johan獲家鄉大公司請做設計師，毛毛就跟老公回家鄉做少奶奶。
節目播出後，因沒交代毛毛跟前夫所生的女兒去向，疑毛毛為自己幸福拋棄女兒，遭網民炮轟。陳貝兒隨即在社交平台解畫，說：「一個男仔，要蛻變成長成為一個男人，可能真係需要時間。佢地唔係唔成功，只係未成功。毛毛佢選擇相信，唔係因為見到希望佢先至堅持，而係因為佢堅持落去，所以佢見到希望。」
至於毛毛被指為自己幸福棄女，陳貝兒就話：「毛毛而家喺瑞典生活幸福美滿，仲話等緊做毛婆婆。毛毛之後喺 live chat 都有講到，囡囡其實已經 20 幾歲，係一位教師，有自己嘅職業同埋自己嘅生活，拍緊拖，好開心。毛毛一年幾前離開香港移居瑞典嘅時候都有問過囡囡嘅意向，囡囡唔捨得香港嘅朋友同份工，所以選擇留喺香港，為媽媽送上無限嘅祝福，鼓勵媽媽繼續勇敢去愛。」
陳貝兒今日再發文力撐毛毛，留言：「要求回報嘅付出係投資。不求回報嘅付出、先至係愛 」。