阿仔未發達難結婚 吳耀漢唔急飲新抱茶

吳耀漢為賀歲片開工，他喜歡今次的角色，稱劇本原有三個版本，但經過修改又不同，最後埋位變另一版本，不過難不到他。

談到兒子吳嘉龍講過爸爸好難約，吳耀漢直言有這個現象，因為兒子也有幾部戲演出。有指吳嘉龍想結婚，但女友家人不支持。吳耀漢說：「好小事啫！係等緊佢發達，女人屋企都想有樓，有車、有前途。不過有齊未必揀你個女，我幾鍾意呢個女仔，好索又好正，有中國人傳統思想。我未見過女仔的媽媽，我個人好西化，隨緣啦！做阿媽梗係想搵個正啲畀個女。」

問他可會幫兒子置業？吳耀漢直言不會，但跟兒子有洽談過這個問題，讚兒子對演戲有熱誠，希望多點演戲機會，他不急於飲新抱茶。