薛凱琪奉旨親近男神嫌Chilam王陽明「唔係我杯茶」

2018-10-10 16:02

張智霖（Chilam）、王陽明及薛凱琪主演警匪網劇《蝕日風暴》，在戲中有糾纏不清的三角關係。獲兩大型男傍實，薛凱琪自言是福氣：「身邊全部朋友，不論男女，都好羨慕我跟他們合作。」首度跟Chilam、王陽明合作，薛凱琪相信定能帶給觀眾新鮮感，也認為兩位型男的兄弟情亦甚有噱頭。

薛凱琪稱合作之前以為王陽明好cool，現實中的卻非常溫柔、友善，「王陽明好細路仔，又非常friendly，所以我跟他火速成為好友，我覺得他的樣貌與真實年齡有反差。」至於Chilam，薛凱琪指合作前一直覺得對方很聰明，合作過後，原來Chilam比她想像更聰明，她說：「Chilam跟他老婆袁詠儀同樣轉數好快，跟他拍戲很高興，因為大家很快有結論場戲應該點做、點樣令效果更加好。而且認識他之後，發現他原來好搞笑，記得有次跟他同他老婆一齊玩啤牌，我同Chilam講：『你同靚靚真係贏咗好多』他一秒之內即答，『梗係啦，我哋兩個係夫妻肺片』。Chilam就是這麼搞笑，經常諗到古靈精怪的說話。」

拍劇朝夕相對，問薛凱琪偏好張智霖抑或王陽明？她表示一位是智慧型，一位是暖男型，不過兩人都不是她杯「茶」，「因為現實中的我，絕不會揀選有婦之夫。」