Kelly Online:侍應呻弄污客人鞋子賠$100 網民意見兩極

從事服務業，要懂得如何應對不同客人。有餐廳侍應上菜時不慎弄污客人的鞋，對方要求賠償700元，侍應提出免費用餐作賠償但遭拒絕，最終侍應賠償100元給對方購買清潔劑。侍應在facebook中發文表示自己「被屈錢」，而網民意見兩極。

女侍應昨於facebook群組「巴打絲打 Facebook Club」發文指，10月5日8時至9時晚市繁忙時間，為4名顧客上菜時不慎將「幾滴瑞士汁」灑至其中1名女客人的鞋，於是侍應「即時道歉同埋拎紙巾同一杯水比依位小姐去抹」，後來因為有其他客人要求點餐，侍應便前往工作。

被弄髒鞋的顧客隨即叫來經理，要求對方賠$700，侍應為「息事寧人」，提出讓對方免費用餐作賠罪。但事主的同行男友人表示，「唔係請唔請食飯嘅問題」，並提出要賠價值100元的清潔劑，並叫侍應立即買回來。侍應表示要先問准經理能否離開餐廳，男友人則回應，「你唔信我就你自己去買」。最終侍應賠償$100個客人。

侍應在帖文中指，「佢地4個人只係食咗2個餐，總值$104」，並貼出4位客人的相片。她解釋，餐飲業「有時太忙可能會做錯少少嘢，但係依個並唔等於我地會因為做錯少少事而要俾人屈錢，我哋啲錢都係辛辛苦苦賺返嚟」，並表示自己不是要求公道，只是希望大家理解服務行業辛苦之處。

有網民表示支持，「新一代冇乜同理心」、「要賠都係公司賠，搵經理」。但亦有不少網民認為帖主不應偷拍當事人甚至上載facebook，而且做錯事要賠償亦屬於合理，「對事嚟講，明白你辛苦同埋賠償喺冇衝突」、「咁真係你整濕，賠乾洗費都是應該，就像上面講的，難道你整花人架車也可以說不小心，人家就要算了嗎？」

面對網民批評，帖主亦有回應，「睇晒全文先啦好無？」，並指「我一開始都認咗錯，我無話我啱晒，我只係想大家明白做飲食業，有時忙過頭真係會唔小心，想大家有時候可以體諒下。」