朱茵演老太婆 特技化妝似被山泥活埋

朱茵最近為新戲《古宅》犧牲美貌，演張繼聰阿媽化上特技妝終極變老，電影尾段造型一臉皺皮、白髮蒼蒼，和平常一個老婆婆毫無分別。
為了這個特技妝，朱茵事前需要把整個頭部倒模，用特製物料塗滿頭部，塑造臉型，當「人皮」製作好後，就要一層一層黏在臉上。她說：「我曾經見過老公一個唱片封套是做類似的石膏模，覺得幾得意，但到自己試時就開始緊張，因為特製物料要一層一層塗滿整個頭，仲愈來愈重，要搵人幫手托住個頭。」朱茵形容有幽閉空間感覺，似被山泥活埋：「真的好驚，好彩身邊工作人員不停講笑話引我笑，又叫我不要睡著，否則就要重造。」整個特技妝連同事前的倒模準備，一共花了10小時，朱茵還笑言人一世物一世，一定要試下。