【吳君麗出殯】薛家燕哀傷泣別「八牡丹」南紅憶好姐姐：佢對我非常好

2018-10-04 13:22

粵劇名伶吳君麗上月26日因肺癌引致肺積水病逝，享年91歲，今於香港殯儀館出殯。圈中好友阮兆輝、胡楓及薛家燕等親友為她扶靈，生前好友南紅及黃夏蕙等，到場送她最後一程。

告別式完結後，親友到靈堂前送別賓客。阮兆輝、胡楓及薛家燕先後跟吳君麗家人及親友送上慰問。家燕姐表現傷心，哭着跟吳君麗親友相擁道別。胡楓則表情肅穆，眼泛淚光跟吳君麗親友道別。

此外，問到南紅可有勾起跟吳君麗相處的回憶？南紅說：「當然有啦，以前佢係正印花旦，我係第二花旦，相識幾十年，仲結拜成『八牡丹』。佢對我非常好，好似姊妹咁。生老病死，每一個人都會有，所以嚟送佢最後一程。」談到最深刻回憶，她說：「當然係『八牡丹』，對我非常好，對我哋感情好好！最後一次見時，係家燕姐娶新抱。」問到丈夫楚原為何沒有到場？她說：「唔使啦！佢老喇，唔使佢嚟。」