【讚男友成熟兼浪漫】去賭城閃婚？薛家燕：順便登台

薛家燕、吳業坤（坤哥）和JW（王灝兒）等為無綫節目《流行經典50年》錄影，家燕姐承認跟小10多歲男友相戀12年，問她可有再婚意願？她直言不會再婚，因為年紀大，今年12月開演唱會後要抽時間陪家人和喜歡的人。她說：「人生要有啲空間，其實有啲內疚。今年聖誕節會去旅行開心下，原本想去歐洲，但大女石祐珊話可能好多地方唔開同好凍，所以再度去另一啲地方。」

提議她不如去拉斯維加斯閃婚，家燕姐謂：「可以順便登台，我又諗工作添！我唔知，唔知發展成點，最緊要兩個人開心。」對於子女很支持拍拖，她直認子女初時擔心，因為男友年紀細過她，但子女後來發覺對方幾好，所以也放心，又指男友未曾結過婚。問到男友有何招數打動她？家燕姐笑認為人大懵，又稱如遇到不開心或勞氣事，男友會分析事情，比她更成熟。男友是否好浪漫？她謂：「每年我生日佢都記得，仲會1個月前安排又成日提，但佢生日我唔記得。」演唱會可會公開介紹男友？她表示會叫男友睇騷，但希望低調一點。