維港會：BB發高燒睇醫生 緊張媽媽唔敢餵食藥遭網民狂轟

不少人初為人母會過於緊張，擔心自己沒有照顧好寶寶。有陪月員在社交網站分享經歷，指一名新手媽媽因小朋友38度「高燒」到診所求醫，但由於醫生處方太多藥物，新手媽媽擔心小朋友身體沒法承受，因此未有跟從醫生吩咐食藥，言詞間又充斥著對醫生的不信任感。帖文吸引不少網民關注，有人更留言直言「媽媽過份緊張」。

該陪月員日前在其facebook專頁「陪月辛酸。血。淚。屎」撰文指，接獲一名新手媽媽求助，對方稱小朋友發高燒到診所求醫，「醫生開咗好多藥，有退燒藥、收鼻水藥、止咳藥、化痰藥，我都唔知畀唔畀佢食好」，陪月員勸喻對方跟隨醫生指引服藥後，對方反稱「唔係話同病菌打緊仗，所以先發燒咩？」，又指「怕阿B食咁多藥唔係幾好，啲藥咁苦，怕阿B頂唔順」、「我今日帶阿B睇嗰個醫生，唔係兒科嚟㗎，只係普通家庭醫生，唔知得唔得」、「阿B好高燒，我又唔想帶阿B去急症，怕等得耐又怕佢惹到其他菌」。  

正當陪月員疑惑之際，對方又解釋小朋友昨晚37.7度，今早升至38度「高燒」，形容「我摸落去阿B個頭好似火爐咁熱」。陪月員回應稱「38度唔係高燒喎，你上網 Search（搜索）吓都知道啦」，惟對方稱「我唔信上網啲人講嘅嘢」，陪月員不滿稱「咁你又嚟問我?」，對方則回應「我想聽多個人意見啫」。  

陪月員最後在文中表示，一般而言人體超過37.5度為發燒，但39度才為高燒，又hashtag了「唔信媽媽」、「山埃砒霜1次有效」、「你唔係想聽多個人意見」、「你係想有人贊成有病唔洗食藥」。   帖文引起不少關注，有網民留言稱「睇完又唔食藥…咁搞法好快入急症」、「醫生 你唔記得開埋藥畀阿媽呀」、「唔信西醫就唔好睇囉」、「過份緊張」。