Kelly Online: 打開盒iPhone X竟變朱古力！ 網民安慰：至少有得食

大多數人送禮都講求實用，相信送iPhone正合心意。有網民分享照片，雖然相中只是舊型號iPhone X包裝盒，但總算是蘋果出品，詎料一打開，iPhone X竟變金莎朱古力！
有網民在facebook群組「巴打絲打 Facebook Club」上載該「偽iPhone」照，可見包裝盒內只有6粒金莎，但仍附有購買iPhone X的收據，相當大整蠱。不過，收據及信用卡簽帳單均有簡體字，相信並非在港發生。而樓主似乎沒有感失望，只笑謂：「正呀！」
帖文引來不少網民留言，有網民借用朱古力廣告金句，形容是「天神嘅禮物」，正過收iPhone，亦有樂觀網民笑說「至少有得食」。有人則認為有下文，「唔好喊住，打開金莎你會發現係一舊揸皺嘅廁紙，咁你就可以要嚟抹眼淚啦」。