被揭連日於屋苑行人路違泊 女司機發脾氣拒認錯：泊咗兩次咋喎

做錯事最重要是知錯能改。但有女司機連日將私家車停泊屋苑行人路被發現後，不但沒有認錯，更擺出不屑樣惡言反擊：「我擺兩次咋喎！」當事人將事發一刻拍下並上載facebook，網民都留言怒轟女司機自私，「違例嘅嘢一次都唔啱㗎啦！」
有網民在facebook群組「小心駕駛（討論別人駕駛態度）」發帖，指見到一輛Mini Cooper私家車連續兩日停泊在行人路，於是決定報管理處，期間女司機回來，「一問佢點解要擺喺度，佢就話關我X事」。
帖文附有照片和影片，照片可見當時有學生途經；影片則可見女司機推着嬰兒車，被樓主質問：「車到小朋友點算？你自己都有小朋友，唔係唔知呀做人阿媽？」樓主又指女司機解釋當時無泊位，但樓主指昨日目擊到女司機泊車時是有位，毋須泊上行人路，斥她「有無搞錯」、「連續兩日喎！小姐」。女司機期間狀甚不滿，用手機反指對方，並反擊稱「連續兩日？我擺兩次咋喎！唔見你日日喺樓下捉」。
帖文隨後被轉發至多個facebook群組，不少網民都認為「一句唔好意思已經可以化解」、「衰咗唔認仲要爆SEED」、「人無恥便無敵，兩日擺兩次仲唔夠呀？ 一次都唔可以啦！畀人話重要發脾氣」、「有咩好撐」，「以為自己拎個電話出黎影返轉頭，就可以當自己無錯？」另有網民認為應報警，並指女司機作為母親應做好榜樣，教小朋友。