囝囝將來入行? 陳小春：讀書為先

由曾志偉監製、錢嘉樂執導電影《黃金兄弟》舉行首映禮，一眾演員鄭伊健、陳小春、謝天華、林曉峰、錢嘉樂、倉田保昭等乘坐名車到場，相當有氣勢。一眾圈中好友洪入寶與太太高麗虹、林曉峰太太康子妮帶同兩位兒子林寶及林熙、錢嘉樂太太湯盈盈等到場支持，可謂星光熠熠。

擔任導演兼演出的錢嘉樂，透露早前於台灣宣傳時，當地觀眾好接受該片，要求廣東話版上映原汁原味，又笑言完成宣傳後返回酒店，大家一起在房間傾偈還被人投訴太嘈。他說：「我們傾談叫大家不要驕傲，不忘初心，如果開拍第二集要叫謝天華唔好收得咁貴。不過嘈到曾志偉都打黎話可以玩，但可唔可以細聲啲。」嘉樂坦言今次拍攝過程寓工作於娛樂，若問可否再開拍第二集，真的有今生有來世。問到可有計收幾多票房可拍續集？他說：「我不敢計，要問曾志偉！從來畀我任性，原來超資幾千萬，佢落order好似聖旨我要乜都畀我，所以好感恩，唔知前世係咪借好多錢畀佢。」問到開拍續集會否帶同太太及子女上鏡？他即笑謂過不到小春那關，對方指一定讓個兒子入行。在旁的陳小春謂兒子讀書為先。

鄭伊健則謂為該片於北京宣傳，當地有廣東及國語兩個版本上映，香港電影到現時也有人要求睇廣東話版，也感到好光榮。問到可會開拍續集？伊健說：「享受今晚先啦！」

陳小春笑謂今次身處主場，但本身未睇過試片，但未睇過完整版本，自己很期待也震震地，又指台灣有評論指有男觀眾標了幾次眼淚，更搞笑謂睇到喊自己有衫袖或用隔離兄弟的衫抹眼淚。林曉峰笑指該片的製作似《職業特工隊》，雖然沒有湯告魯斯，但有鄭伊健等人。對於被指片酬是眾兄弟為最貴之人，天華笑言自己對白少，計起來才覺得最貴，問到是否賺奶粉錢？他笑笑口點頭謂：「喜上加喜，太太（Tina）正懷第二胎，係粉紅色(指女兒），湊夠好字，好開心。」