男友未Ready結婚 黃芷晴被阿媽問定嫁妝款式

黃芷晴出席活動，月初她為父親黃日華慶祝57歲生日，稱當日親手煎牛扒、海鮮餅及炮製焗春雞等菜式，父親對她的廚藝非常滿意。問到男友可有在場？她笑說：「無，當日係平日，禮拜六、日再食飯補祝。」

父親生日願望是否希望她盡快成家立室？黃芷晴謂：「無。（有計劃結婚？）無，暫時未有。（你ready結婚？）都係等佢，我無所謂，唔想畀太多壓力佢。」父母可有催婚？她直言：「爸爸無。媽咪試過影嫁妝畀我睇，話到時唔知我啱唔啱。」