孖JW清理杏花邨 何超蓮見「發泡膠海」：黐線㗎！

超強颱風「山竹」橫掃各區後，不少居民自發清垃圾，自己地方自己救。賭王千金何超蓮主理的慈善團體，在社交平台召集義工到杏花邨、將軍澳及沙田區清理路面垃圾，獲好友JW（王灝兒）響應，孖住到杏花邨落手落腳做清潔工。

超蓮在ig story甫短片，拍下杏花邨鋪滿發泡膠的場景，不禁大嗌：「好多發泡膠囉，黐線、黐線㗎！」JW也上載清理中的照片及留言：「我頭先係完全相信唔到眼前有咁多發泡膠！！係好似雪山咁多！！！！！執極都好似仲有！！好開心一班義工一齊幫手！好多住喺杏花邨嘅居民都一齊落嚟執垃圾！This is what we should do！Complain less, do more！❤do it by ourselves！Do what we can！AND STOP USING 發泡膠！！！！」兩位美少女清潔義工幫忙執拾後，褲子及鞋都沾上泥，「戰績彪炳」。