每次唱《真的愛你》都喊 杜麗莎望回港開騷

杜麗莎最近頻頻出席活動，短短半個月先後在三亞、澳門及香港三地進行演出，她在澳門擔任鍾鎮濤演唱會嘉賓，又有自己的個唱，在澳門獻唱《真的愛你》時，感動到過半數人要拿紙巾拭淚，有些更要步入洗手間整理及平伏；老師自己亦忍不住眼泛淚光，場面感人。
至於接受徒弟邀請進行其首個FB LIVE騷，亦是反應熱烈，短短一日已獲得逾15萬點擊，獲網民留言大讚老師最靚聲等，並留言力撐老師在港舉行演唱會。熱愛唱歌的老師亦愈唱愈興奮，唱至凌晨1時亦零疲態；感性的她，獻唱《真的愛你》及《假如》等歌曲時，又數度以紙巾拭淚，獲小恩子大讚「投入度一百分」。事後老師笑言每次唱《真的愛你》，都有很想哭的衝動，說：「我係比較鍾意唱老歌，因為舊歌啲詞填得好好，每個字都好似有生命咁。好似呢首歌，我教人唱嗰陣，我都會話，我哋係要THROUGH首歌去話畀人聽我好愛你，重點係用心唱。任何嘢只要肯用心做就OK，唔識做唔緊要，有心做同有心學就得，同埋唔好輕易放棄。」
對於網民力勸老師在港舉行演唱會，老師則笑言：「THAT’S AMAZING！做歌手最開心，就係見到聽眾真係畀自己感動到。如果有機會，我都好希望喺香港舞台同樂迷見吓面，依家都好難有平台畀人聽到我嘅歌。」