旺角先達外疑有撞車黨出沒 花裙大媽擋貨車前行

旺角鬧市疑出現撞車黨！有網民上載影片，指旺角先達廣場外出現「大媽撞車黨」。片中見一名操內地口音的婦人攔在貨車前，大呼「叫咗差佬先」；有圍觀途人則稱，事發前已見該女子走在馬路中心。片段引起網民熱議，有網民直斥該女子，「撞車黨都有啲常識，知架大車司機見唔到你，想死都唔好害人哋司機」。

有網民前日（11日）在facebook專頁「生於亂世2:0」上載影片，指事發在前日，旺角先達廣場外的通菜街出現大媽撞車黨。影片開首見一名操內地口音的婦人緊握着貨車的前鏡，阻擋貨車前行，並不停着圍觀者「叫咗差佬先講啦」，但片中一直未見貨車司機現身。不過，一名圍觀途人指，事前已見該婦人走在馬路中心，懷疑是有問題，「唉！幫佢唔到呀！」

不少網民指罵婦人「阻住地球轉」，亦有人指「貨車已駛過斑馬線，如果撞到佢，佢一係死咗，一係在斑馬線外過馬路！佢仲可以揸住人哋倒後鏡？！」、「可憐貨車大佬遇大陸撞車婆」。另有網民突破盲腸，「阻住貨車事少！阻到小巴出車事大呀！」