維港會：少女列車內蹺腳被斥阻路 3長者手指指圍攻惹熱論

不少人坐車時都會習慣性蹺腳，近日一名少女乘搭港鐵時疑因蹺腳被3名老人家「圍攻」，除批評她阻礙通道外，更口出惡言斥責她「讀屎片」。影片引發網民討論，直斥3名老人家「恃老賣老」。

有網民在社交網站Facebook群組「巴打絲打 Facebook Club」上載影片，從影片可見，一名年輕女子乘搭西鐵時疑因蹺腳，被前方站立的一男一女長者怒斥阻礙通道，其中女長者大罵「一啲禮貌都無，坐係到，隻腳出晒嚟」，男長者在旁斥責「後生唔讓位無人話你，但係你隻腳唔好隊出嚟！」少女隨即反駁「後生就一定要讓位？」男長者回應稱「無人話一定要你讓位，根本就係你唔啱，仲喺度講」。

此時一名大叔從另一個車卡走至，並加入戰團，3人指著少女大罵「香港啲後生女畀你影衰晒」、「野蠻人」、「都唔知讀咩書」、「有鬼讀書咩，讀屎片啦」、「唔知咩叫禮貌」。而少女一人難敵三張嘴，未有再作回應。

影片隨即引發網民熱論，有人認為少女坐姿的確影響他人，「唔多人真係無所謂，多人咁坐就唔係幾好」、「唔讓位無錯，但人多時就咪蹺腳啦，真係好乞人憎」，不過更多網民認為3名老人家態度惡劣，恃老賣老，「尊重是雙方個人素質」、「無必要鬧得咁狠」、「返完工返完學想坐正常啦，成班老X都唔使返工返學！」。

影片來源：「巴打絲打 Facebook Club」