【趣趣哋】24隻盒裝蛋一半蛋黃都係「孖仔」 網民：臨近中秋推雙黃蛋應節

一隻蛋有兩個蛋黃已經少見，但有網民在facebook群組「今晚煮乜餸？？」發帖，稱發現其所買的盒裝蛋，目前吃了一半，發現每隻蛋的蛋黃「全部都係孖仔」。帖文引起熱議，有網民笑言：「就快中秋，所以推出雙黃連埋蛋應節」、「真係他孖哥池」。
從相片可見，平底鑊中有3隻雞蛋，每隻都有雙連蛋黃。樓主稱，從荔景一商店購買了一盒24隻裝的雞蛋，已吃了一半，發現蛋黃「全部都係孖」，於是拍下照片分享。
有網民亦分享買到雙蛋黃雞蛋經歷，「我有孖女個年、買親蛋都有孖黃蛋出現，生完之後，買不到了」。有人建議經營茶餐廳的話，「可以當做煎雙蛋一隻當兩隻！」不過，有網民就擔心因為太多激素引致，但樓主就引述資料稱，「後生嘅母雞好大機會會生雙黃嘅蛋！因為佢身體嘅機能未成熟」所致，表示食用其實都沒有問題。