方力申自爆被學生催搵個好女人拍拖

方力申現身父親方毓仁的畫廊活動，場內掛滿男女裸體畫作，小方坦言也有收藏一幅同類型作品，謙說身材不及畫中主角，現在更加走樣。他笑說：「依家教水包到實一實呀！（學生笑你？）學生唔會，家長會嘛！」小方續謂快將再度操Fit搵錢，「做生意要好多支出。（方爸爸爆你有幾廿億喎！）我係全世界最富有的，因為我心中富有。」

小方又自爆日前被學生問到感情事，說：「佢同我講『你要搵個好女人！』，跟住我問『搵嚟做咩？』，佢話『拍拖囉！』，我再問『邊個同你講㗎』，佢話『我媽咪講㗎！』。我心諗農曆七月十四都過咗啦喎，小朋友講啲咁勁嘅大人嘢！（咁你點答佢？）叫佢快啲繼續游！」