81歲鍾景輝炎夏拍外景 享受特殊優待

81歲的「King Sir」鍾景輝是香港戲劇大師，縱橫影、視、舞台劇界多年，地位崇高。雖然他不時拍攝無綫劇集，專演「綠葉」老角，但待遇同一般「綠葉」演員有天淵之別，大家對他特別優待，敬重有加。

King Sir早前被《東周刊》直擊在牛頭角，拍攝無綫新劇《牛下女高音》外景，大熱天時，King Sir企了一會已經汗流浹背，劇組工作人員都大為緊張，立即搵專人幫手遞水遞風扇，慎防King Sir熱得滯中暑。每拍完一場戲，劇組仲請King Sir去公園涼亭樹蔭，坐下乘涼，有人服侍吹風扇散熱，一時又遞上劇本講解劇情。King Sir得到的禮待分分鐘高過好多當紅小生、天皇巨星。

現場所見，King Sir為人超nice，絕對非恃老賣老的人，有特約演員、街坊向他打招呼傾偈，King Sir都好健談同大家有講有笑，絕對是慈祥長者，值得行內行外人尊敬。