老婆偷偷性感拍廣告 范振鋒：好多人都問我點解咁小器

由王嘉慧(Jessica)開設的高尚桌球酒吧Breeze誠邀世界級桌球球手Jimmy White到訪進行表演賽，張智霖(Chilam)、范振鋒及老闆娘Jessica落場作賽。范振鋒自小喜歡打桌球，沉迷得像個職業球手，自爆曾逃學打波，媽咪上波樓找他。當年又免費在桌球大賽當義工，遠見世界級球手極興奮。

另外，談到太太李思欣背著他以性感裝束拍廣告，他說：「好多人都問我點解咁小器，我冇講過唔畀佢著咩衫，我話去探佢班，佢叫我唔好嚟，怕我會黑口黑面，但我點會呢。可能我以前話過佢，覺得無謂畀人睇，自己阿媽都唔好啦，何況係太太…可能我提得太多次，佢入咗腦。」