8月壽星開P慶祝 羅仲謙咀楊怡放閃

楊怡後日（30號）39歲生日，老公羅仲謙則在今日34歲牛一，身為8月壽星的兩公婆已相約一大班好友開P慶祝，收到熊仔造型生日蛋糕。羅仲謙攬實老婆纖腰咀嘴放閃，又齊齊瞓波波池深情對望，兼且著脹爆相撲手裝合照，非常開心。
羅仲謙留言：「跟阿怡一起開生日會❤，難忘的一個晚上，多謝各位朋友的祝福，感激感激， 希望大家天天都笑口常開」。