指大叔辱港隊「包尾仲咁開心」 網民嬲爆：幾睇唔起運動員先講出咁侮辱說話

「風之后」李麗珊為港奪奧運首面金牌後曾說：「香港運動員唔係垃圾」，惜22年後仍有人不會欣賞運動員所付出努力；更不會感激運動員為港奮戰， 嘲諷「特登飛過去包尾仲咁開心，都唔知班人諗乜！」有網民聽到大叔所言頓感憤怒，直言「從來冇試過見一個人3秒就有衝動想打X佢」，慨嘆今時今日仍有人瞧不起運動員。
有網民今晨在facebook專頁「CALL4VAN 客貨車」發帖，稱昨晚（25日）乘搭飛機返港時，機上大半乘客都是出戰亞運的運動員，故此大為興奮，「雖然只係觀眾，但同一班機，與有榮焉」，並指落機後亦有恭喜奪得銀牌的游泳隊成員歐鎧淳，「雖然佢唔會知道我係邊個，但我真心覺得，有佢哋，I am proud to be a Hongkonger。」
樓主說，到落機出閘後，由於有大批記者和支持者等候運動員，現場出現一點混亂和擠擁，此時從人群中聽到一名中年男子說：「特登飛過去包尾仲咁開心，都唔知班人諗乜！」樓主相信，對方因運動員在機場大堂通道接受採訪，令他不能直接走到廁所，於是口出惡言，嘆道：「究竟有幾睇唔起香港運動員，先至講出咁侮辱嘅說話？」樓主上載了該中年男子的照片，坦言當時想反罵對方，揮拳洩憤。
樓主在帖文憶起「風之后」李麗珊於1996年獲奧運金牌後表示，香港運動員不是垃圾，慨嘆時至今日，仍有人看不起香港運動員，認為做運動員沒有出色。
帖文引起熱議，有網民留言謂，「睇字都睇到好嬲」，「問下個阿叔做過啲咩令自己光榮而無憾嘅事」，有人認為「香港運動員未必係好叻，但係絕對唔係垃圾」、「代表香港出外比賽的運動員，他們付出了時間及密集的訓練去預備，批評他們的同時，首先自問自己有冇本事面對這能耐及比賽壓力」。另有網民感慨「好多香港人，眼中只有錢同可以帶來錢既野，先有存在價值」。