維港會：婆婆健步如飛卻要求少女讓座 霸氣男阻止「倚老賣老仲想叫人尊重？」

讓座問題再引起爭議！有網民稱，目擊一名健步如飛的婆婆要求一位後生女讓座，女生在旁人目光壓力下唯有起身，但此時一名「霸氣男」阻止，稱婆婆剛上車時走得很快，而且「唔該都冇就叫人起身」。婆婆反駁「尊重下老人家讓下洗死咩」，霸氣男則反擊「倚老賣老仲想叫人尊重？」隨後再有其他乘客指責婆婆不是，婆婆最後亦「收聲企定定」。帖文在網上引起熱議，有人認為「讓座係美德但唔係責任」。
有網民日前在連登討論區發帖，題為「頭先幫個妹妹出聲XX個廢老個位霸氣男，你真係好X有型呀...」，指在港鐵遇見一位健步如飛的婆婆上車後，即叫一位妹妹讓座，佐態度很差，「開車啦就，你企起身先啦」、「仲下咩呀，阿婆企到好攰」。
樓主稱，妹妹似乎不太想讓座，但因全車人的目光注視她們，唯有站起來。此時，一名「霸氣男」上前發聲，阻止妹妹讓座，並稱「阿婆你上車嗰陣行得好快喎，企下啦」。婆婆回應，「而家老人家坐下都唔得呀，人哋都諗住企起身啦，關你咩事」，但霸氣男堅持：「人哋有畀錢搭車架，你畀嗰兩蚊咋，你又冇唔舒服，你唔該都冇就叫人起身，你都幾大支嘢喎」，婆婆反擊「尊重下老人家讓下使死咩？」，霸氣男則解釋「唔係尊重唔讓，係唔尊重你唔讓畀你姐，你呢啲人倚老賣老仲想叫人尊重？」
兩人舌戰一輪後，樓主及其他乘客亦幫口指婆婆不當，最後婆婆唯有「收聲企定定」。樓主在帖文中大讚霸氣男，「連我係男人都覺得你好X有型，雖然你唔高大唔算靚仔，但你所做嘅嘢完全係型到梁朝偉咁」。樓主又指，讓座應讓給有需要的人，不讓座並非有錯，「大家要好好保護自己個位，因為你自己有畀錢搭車」。
帖文在討論區已獲逾7000個讚好，有網民留言指「你好聲好氣問我，讓比你坐又點話」、「讓畀佢冇問題，但唔係老奉要讓畀佢，讓座係美德但唔係責任」。帖文其後亦被轉至facebook專頁「Lepetitprince MJ」，網民都大讚霸氣男「講得好」，認為要人尊重自己，要先尊重別人，但亦有網民批評霸氣男「大男人蝦個老婦」，認為強調付全費或兩元優惠，只顯得高低不平等，漸失去人情味。