維港會：大懵乘客遺巨型熊本熊 九巴：點解咁大隻都可以留低咗

不時會有乘客搭車拎漏嘢，九巴昨日在社交網站facebook專頁發文，指有乘客兩周前遺留一隻約2米高的「熊本熊」公仔，呼籲主人盡快認領。帖文一出不足一日，「熊本熊」主人已經致電九巴認領，相信很快會「團聚」。

九巴昨日在社交網站facebook專頁上傳一張「熊本熊」公仔照片，指該隻「熊本熊」已經被放置在失物組兩個星期，更用「熊本熊」的語氣稱「本熊其實都有啲啲掛住熊主人！只係心入面一直有個謎… 點解我咁大隻你都可以留低咗我喺巴士……」。

帖文一出引起網民關注，不少人留言質疑「咁大件行李上得巴士？司機咁都放行？」，九巴則回應稱「主人將隻熊對摺對摺對摺再對摺，所以先上到車」。

九巴其後又更新帖文，稱公仔主人已經致電失物組熱線認領，並Hashtag「失物組同事對我好好比飽飯我食」、「識縮骨功所以摺到一粒豆咁細先上車㗎」。