維港會: 中電蔣東強唔入「熱廚房」

灣仔會展正舉行「家電.家品.博覽」，中電今年已第四年參加。中電總裁蔣東強(TK)同企業發展總裁莊偉茵(Quince),今日更現身參展攤位支持，夥拍名廚陳國強,同埋星級女煮人梁雅琳(Hilda),率先用近期爆紅嘅日系電磁爐煮幾味,現場嘉賓大讚有鑊氣無油煙!
TK同Quince屋企都係電廚房。工程師出身嘅TK,即場解釋點解電廚房唔係熱廚房，佢話廚房嘅「心臟」--電磁爐嘅最大優點係喺鍋具「直接加熱」,熱力唔會流失到周圍嘅空氣令氣溫上升。直接加熱鍋具唔單止熱力勁,夠鑊氣,仲可以縮短烹煮時間,自然慳返唔少錢。佢話炒餸煲湯,比用傳統煮食爐慳番最少三分一燃料費!
而Quince就話,電磁爐煮食油煙比用傳統煮食爐少,而且容易清潔得多,佢自己一個都可以輕鬆應付。