拍咀戲撞正男友探班 吳嘉熙怕不慎伸脷惹尷尬

ViuTV劇集《PLAN B》本周五大結局，講到黑幫鬥爭趨於白熱化，吳嘉熙（Cheronna）與王宗堯陷入險境，二人設法逃離期間於車廂內深情一吻。

談起親吻戲，Cheronna直言拍攝時有點緊張，當日更遇著男朋友黃奕晨到場探班，「其實佢唔係嚟監場，咁啱佢嚟探班就撞正我拍Kiss戲，點知拍嘅時候佢掛住同佢老友駱振偉傾偈冇睇到！」Cheronna又被駱振偉大爆二人私下的對話：「Cheronna有日同我講唔識拍Kiss戲，話佢自己錫親都要伸脷！咁我咪叫佢同王宗堯拍嗰陣伸脷囉，佢就答我話唔得，驚條脷會俾王宗堯用門牙頂返出嚟，到時個場面會好尷尬。」

另外，劇組亦邀得艾威客串警察一角，在公路上拍攝槍戰戲，劇組更向警務處租借警車和警察制服進行拍攝，艾威大讚拍攝具真實感：「呢次好易投入劇情，相反我對古裝劇就有少少抗拒，因為無論係個場景、服裝，定係台詞都話緊畀你知你係做緊戲。」